Cycle

Sallo se jo chali nahin thi

Socha uspe aaj hum kuch chakkar laga aayen

 

Corona ne jo bandhi bana ke rakha tha ghar pe

Socha chalo jara doston ke saath subah cycle pe ye shehar dekh aayen

 

Andhere mai nikal pade Google map ke saath

Mann me darr banaye ki bas kahin kutte na piche pad jaye aaj

 

Khuli aur azad sadke dekh dil khush ho jaye

Cycle chalane mai Elevation ka asli arth samajh aaye

 

Jo thandi hawa ka jhoka lage badan mai

To man karen bas yu hin chalata rahoon cycle har dum mai

 

Umeed leke nikle thai ki bandhan se kuch rahat milegi

Aur huzur hum shahar ke khubsurat nazzarai dekh aayee

 

Laga nahin tha jyada door chala payenge pahiye

par yahan to hum shatak laga aaye

 

Pehle 10 km bhi adhik lage

Ab warm up hone mai utna samay lage

 

Cycle chala ke samjha ki hai sara ye hamare man ka khel

Bediyan bhaandhi khud ne phir afsoos karen hum takdir par

 

Doston ke saath ye cycle sawari aachi lage

Hum har weekend pe ek nayee jagah ki khoj karen